ФИФА Кенгаши йиғилишининг баённомаси ташкилот президенти Жанни Инфантино кўрсатмасига биноан йўқ қилингани ҳақидаги гап-сўзлар ҳақиқатга мос келмайди, аслида ёзув ФИФА архивида сақлаб қўйилган эди. Бу ҳақда ФИФАнинг коммуникациялар бўйича департаменти директори Делия Фишер баёнот берди, деб ёзмоқда «ТАСС».
Илгарироқ Welt am Sontag нашри ташкилот Кенгаши мажлисининг ёзувлари йўқ қилинганини айтган эди. Нашр, шунингдек, бу ишни амалга оширишга кўрсатма берган Инфантино яқинда вазифасидан 90 кунга четлаштирилиши мумкинлигини билдирганди.
«Нашр келтирган электрон ёзишмаларда аудиофайл ўчирилгани тилга олинади, ваҳоланки гап унинг локал дискда нотўғри сақланган нусхасини ўчириш ҳақида кетган эди. Бу расмий архивланган аудиофайлга алоқадор эмас — у мавжуд бўлиб, ФИФАда тегишлича сақлаб қўйилган», — деб таъкидлади Фишер хоним.
Инфантино 2016 йил февралида ФИФА президентлигига сайланди. У кўплаб коррупцион жанжаллардан сўнг мансабни тарк этган Йозеф Блаттернинг ўрнини эгаллади.
Изоҳ (0)