Жиззах вилоятида 1 килограммдан ортиқ гиёҳвандлик моддасини сотаётган аёл қўлга олинди

Жиззах вилоятининг Пахтакор туманида ички ишлар органлари томонидан ўтказилган тезкор тадбирлар натижасида Арнасой туманида яшовчи, 46 ёшли аёл 1 килограмм 105 грамм марихуана гиёҳвандлик моддасини сотаётган вақтида ушланди. Бу ҳақда Ўзбекистон Республикаси Ички ишлар вазирлиги матбуот хизмати хабар берди.

У холислар иштирокида текширилганида чўнтагидан 105 грамм марихуана гиёҳвандлик моддаси топилган.

Мазкур ҳолат юзасидан Ўзбекистон Республикаси Жиноят Кодексининг тегишли моддаси билан жиноят иши қўзғатилиб, ҳозирда тергов ҳаракатлари олиб борилмоқда.