Саудия Арабистонида мамлакатдаги тўрт масжидга ўзга дин вакилларининг киришига рухсат берилди

Саудия Арабистони ҳукумати мамлакат ҳудудида жойлашган тўртта масжидга мусулмон бўлмаган кишиларнинг киришига рухсат берди. Бу ҳақда «ТАСС» хабар қилмоқда.

Айтилишича, шу тариқа бошқа дин вакилларига исломни яхшироқ ўрганиш имконияти яратиб берилмоқда. Бунда масжидларга ташриф буюраётган ўзга дин вакиллари исломий одатларни ҳурмат қилиши талаб этилади.

Масжидларнинг бари Макка ва Мадина дарвозаси деб аталадиган Жидда шаҳрида жойлашган. Улар орасида машҳур туристик объект ҳисобланмиш ар-Раҳма масжиди ҳам бор. Шунингдек, рўйхатга шаҳарда жойлашган ат-Тақво ҳамда қирол Фаҳд ва қирол Сауд масжидлари киритилган.