Saudiya Arabistoni hukumati mamlakat hududida joylashgan to‘rtta masjidga musulmon bo‘lmagan kishilarning kirishiga ruxsat berdi. Bu haqda “TASS” xabar qilmoqda.
Aytilishicha, shu tariqa boshqa din vakillariga islomni yaxshiroq o‘rganish imkoniyati yaratib berilmoqda. Bunda masjidlarga tashrif buyurayotgan o‘zga din vakillari islomiy odatlarni hurmat qilishi talab etiladi.
Masjidlarning bari Makka va Madina darvozasi deb ataladigan Jidda shahrida joylashgan. Ular orasida mashhur turistik obyekt hisoblanmish ar-Rahma masjidi ham bor. Shuningdek, ro‘yxatga shaharda joylashgan at-Taqvo hamda qirol Fahd va qirol Saud masjidlari kiritilgan.
Izoh (0)