Италиянинг Падуя шаҳри суди маҳаллий аҳоли вакили бўлган эркак рафиқасига алиментни пицца билан тўлаши мумкинлигини тасдиқлади. Бу ҳақда 27 май куни The Local маълум қилди.
50 ёшли италиялик эркакка қарши даъво аризасини унинг собиқ рафиқаси судга киритди. Ажрашганларидан кейин собиқ эр-хотин эркак қизини таъминлаш учун ойига 300 евро тўлаб туриши борасида келишувга эришган эди. Аммо профессионал ошпаз бўлган эркак бу пулни пицца билан тўлай бошлаганди.
Судья Кьяра Битоцци, агарда эркакнинг даромади қизини пул билан таъминлашга етмаса, у алиментни пицца билан тўлаши мумкинлиги ҳақида қарор чиқарди.