Франция ҳукумати ракетага қарши мудофаа тизимларини НАТО назорати остига топширишни маъқулламади, деб ёзади «РБК». Париж тизимни АҚШ эмас, альянс бошқариши бўйича кафолатга эга бўлишни истайди.
Франция ҳукумати вакиллари Парижнинг позицияси Москванинг норозилиги (Россия ушбу ракетага қарши мудофаа тизими қурилишига қаршилик билдирмоқда) билан эмас, тизим НАТО томонидан реал тарзда бошқарилиши ва назорат қилиниши имконияти билан боғлиқлигини маълум қилди.
Америка томони НАТОнинг июлда Варшавада бўлиб ўтадиган саммитида ракетага қарши мудофаа тизими устидан тезкор назоратни альянсга топшириш ҳақида эълон қилинмаса, Россия буни заифлик белгиси сифатида қабул қилишидан хавотир олмоқда. Франция ва НАТО вакиллари таъкидлашича, июлгача битимга эришилмаса, назорат қилувчи функцияларни топшириш кейинроққа сурилади.
Изоҳ (0)