10 май куни Ташқи ишлар вазирлигида Ўзбекистон-Бельгия вазирликлараро сиёсий маслаҳатлашувларининг бешинчи раунди бўлиб ўтди. Маслаҳатлашувларда иштирок этиш учун Бельгия Ташқи ишлар вазирлигининг икки томонлама муносабатлар бўйича бош директори Геерт Муйлле бошчилигидаги делегация келди, деб хабар бермоқда ТИВ матбуот хизмати.
Музокаралар чоғида сиёсий, савдо-иқтисодий, инвестиция, маданий-гуманитар ва бошқа соҳалардаги икки томонлама муносабатларнинг муҳим жиҳатлари муҳокама қилинди.
Таъкидланганидек, турли даражалардаги Ўзбекистон-Бельгия мунтазам мулоқоти нафақат томонларни қизиқтирган соҳалардаги алоқалар ҳолатини аниқлаш, балки халқаро ташкилотлар доирасидаги ва бошқа жабҳалардаги ҳамкорликнинг устувор йўналишларини белгилаш ва ривожлантириш имконини яратади.
Учрашувда айрим халқаро ва минтавий муаммолар юзасидан ҳам фикр алмашилди.
Бельгия делегациясининг Тошкентда бўлиши чоғида Олий Мажлис ва Ташқи иқтисодий алоқалар, инвестициялар ва савдо вазирлигида учрашувлар ва музокаралар ўтказиш режалаштирилган.
Изоҳ (0)