Демократик партиядан АҚШ президентлигига потенциал номзод Ҳиллари Клинтон умумий сайловлар арафасида мамлакатдаги энг йирик молиявий компаниялар ва бизнесменлардан кучли молиявий кўмак олди, дея хабар бермоқда «ТАСС» The Wall Street Journal’га таяниб.
«Клинтон Уолл-стрит молиячилари ва бошқа корхоналардан олаётган кўмак у Дональд Трамп билан юзма-юз келадиган президентлик пойгаларининг асосий босқичида кескин кучайди», — дейилади мақолада.
Нашр маълумотларига кўра, Клинтон йирик молиячилардан қабул қилиб олган хайрия маблағларининг жами миқдори аллақачон 4,2 миллион долларга етган. Бу бошқа номзодларга ажратилган бундай донорлик пул кўчирмаларининг умумий ҳажмидан ҳам ортиқ демакдир.
Таҳлилчилар маълум қилишича, Америка молия тузилмаларининг Клинтон потенциал номзодига нисбатан муносабати президентлик пойгаларини Жеб Буш ва Марко Рубио тарк этгач, ўзгарган. Трампни эса Америка бизнеси қўллаб-қувватламайди, чунки унга ва унинг молия соҳасидаги сиёсатига ишонмайди.
Изоҳ (0)