Demokratik partiyadan AQSh prezidentligiga potensial nomzod Hillari Klinton umumiy saylovlar arafasida mamlakatdagi eng yirik moliyaviy kompaniyalar va biznesmenlardan kuchli moliyaviy ko‘mak oldi, deya xabar bermoqda “TASS” The Wall Street Journal’ga tayanib.
“Klinton Uoll-strit moliyachilari va boshqa korxonalardan olayotgan ko‘mak u Donald Tramp bilan yuzma-yuz keladigan prezidentlik poygalarining asosiy bosqichida keskin kuchaydi”, — deyiladi maqolada.
Nashr ma’lumotlariga ko‘ra, Klinton yirik moliyachilardan qabul qilib olgan xayriya mablag‘larining jami miqdori allaqachon 4,2 million dollarga yetgan. Bu boshqa nomzodlarga ajratilgan bunday donorlik pul ko‘chirmalarining umumiy hajmidan ham ortiq demakdir.
Tahlilchilar ma’lum qilishicha, Amerika moliya tuzilmalarining Klinton potensial nomzodiga nisbatan munosabati prezidentlik poygalarini Jeb Bush va Marko Rubio tark etgach, o‘zgargan. Trampni esa Amerika biznesi qo‘llab-quvvatlamaydi, chunki unga va uning moliya sohasidagi siyosatiga ishonmaydi.
Izoh (0)