Италиялик машҳур опера тенори Андреа Бочелли ўз тарихида илк бор Англия чемпиони бўлган «Лестер» жамоасини шарафлаш маросимида куйлади, деб хабар бермоқда «ТАСС».
Маросим «Лестер»нинг «Эвертон»га қарши Англия чемпионати 37-тури бошланишидан аввал бўлиб ўтди. Бочелли «Турандот» операсининг Nessun Dorma ариясини ижро этди. Англия чемпиони мақомида майдонга тушган «Лестер» 3:1 ҳисобида «Эвертон»ни мағлубиятга учратди.
2 майга ўтар кечаси Англия чемпионати 36-тур сўнгги ўйинида «Челси» ўз майдонида «Тоттенҳэм» билан жанговар дуранг (2:2) қайд этиб, «Лестер»нинг турнир якунланишига икки тур қолганида чемпион бўлишига замин яратди. «Лестер» Англия чемпионлигини қўлга киритган 24-клуб бўлди.Ўтган мавсумда «Лестер» Найжел Пирсон қўли остида Англия чемпионатини 14-ўринда якунлаган эди. Клубнинг аввалги энг юқори натижаси 1928/29 йилги мавсумда қайд этилган бўлиб, жамоа Англиянинг биринчи лигасида иккинчи ўринни эгаллаган эди.
Изоҳ (0)