Тошкентда Болалар кўптармоқли тиббиёт маркази барпо этилади

Ўзбекистон Республикаси Вазирлар Маҳкамаси Корея Республикаси Иқтисодий тараққиёт ва ҳамкорлик жамғармаси (EDCF) билан молиявий ҳамкорликда «Болалар кўптармоқли тиббиёт марказини ташкил этиш» тўғрисидаги лойиҳанинг техник-иқтисодий ҳисоб-китобини тасдиқлади. Бу ҳақда «Газета.uz» хабар беради.

Ўзбекистон ҳукумати ва Корея экспорт-импорт банки 2013 йилнинг 18 декабрида лойиҳани амалга ошириш учун EDCF томонидан 102,846 миллион АҚШ долларига тенг имтиёзли заём ажратиш ҳақидаги келишувни имзолаган эди. Заём 40 йил муддатга 0,1 фоиз фоиз ставкаси (10 йиллик имтиёзли давр) билан тақдим этилади. Ўзбекистоннинг лойиҳадаги улуши 27,73 миллион АҚШ доллари, жумладан 20,78 миллион долларга тенг солиқ ва божхона имтиёзларини ташкил этади.

280 та ўринли Болалар кўптармоқли тиббиёт маркази кунига 250 ташриф ва йилига 1 500 та операцияга мўлжалланади. Марказнинг қурилиши 2017 йилга режалаштирилган.