Америка президенти Барак Обаманинг тўнғич қизи Малия Гарвард университетига ўқишга киришни режалаштирмоқда. Бу ҳақда Оқ уй хабарига таяниб, The New York Times маълум қилди, деб ёзади «РБК».
Аммо июлда 18 ёшга кирадиган Малия Обама мактабни битиргач, бир йилга таътил олиб, 2017 йилдагина университетга кирмоқчи. Газета таъкидлашича, бундай қарор америкалик битирувчилар орасида оммабоп бўлиб, улар кўпинча бу бир йилни саёҳатларга бағишлаб, шундан кейингина коллежда ўқишни бошлашни афзал кўради. Гарвард ўз талабаларини бундай ташаббусга фаол равишда ундайди.
Барак Обама ҳам, унинг рафиқаси Мишель ҳам Гарвард университетининг ҳуқуқшунослик мактабини битирган. NYT таъкидлашича, Малия Обама кўплаб АҚШ президентларининг айнан Гарвардда ўқишга қарор қилган фарзандлари қаторига кириши мумкин. Улар орасида Авраам Линкольннинг ўғли, Жон Кеннедининг, шунингдек, кичик Жорж Бушнинг қизи бор.
Изоҳ (0)