2016 йилнинг 29 апрель куни Пекин шаҳрида ишчи ташриф билан бўлиб турган Ўзбекистон Республикаси Ташқи ишлар вазирлиги делегацияси ШҲТ Котибиятида «ШҲТ майсазори»ни барпо этиш маросимида иштирок этди. Бу ҳақда Ўзбекистон Республикаси Ташқи ишлар вазирлиги матбуот хизмати хабар беради.
Қирғизистон, Қозоғистон, Россия, Тожикистон, Хитой ва Ўзбекистон ТИВ делегациялари раҳбарлари жорий йилда 15 ёшга тўлган ташкилотнинг ўсувчи салоҳиятинининг рамзи бўлган дарахтларни ўтқазди.
Ҳозирги пайтда ШҲТ олтита аъзо давлат, олтита кузатувчи давлат (Афғонистон, Беларусь, Эрон, Ҳиндистон, Мўғулистон ва Покистон) ва олтита мулоқот бўйича шерикни (Арманистон, Камбоджа, Непал, Озарбайжон, Туркия ва Шри-Ланка) қамраб олган.
Изоҳ (0)