БМТнинг Сурия бўйича махсус элчиси Стаффан де Мистура Россия ва АҚШ президентлари Владимир Путин ва Барак Обамани Сурия масаласидаги музокаралар ва мамлакатда ўт очишни тўхтатиш режимининг бузилиши бўйича муаммоларни ҳал этишга чақирди. Бу ҳақда, Reuters агентлиги маълумотига таяниб, «Газета.ru» хабар беради.
Де Мистура Хавфсизлик Кенгаши мажлисидан сўнг Суриядаги ўт очишни тўхтатиш режимини «аранг тирик» деб атади ҳамда Россия ва АҚШ сиёсий нуқтаи назардан вазиятни ҳал этиш учун кўп ҳисса қўшганлигини таъкидлади.
БМТ бош котибининг элчиси шунинг учун айнан мазкур икки давлат «ўзлари яратган вазиятни тирилтириши» лозимлигини қўшимча қилди.
Шунингдек, де Мистура май ойида Сурия бўйича музокараларнинг қайтадан бошланишига умид қилаётганлиги маълум бўлди.