Март ойининг спортга оид энг яхши 15 та сурати

«Championat.asia» 2016 йилнинг март ойидаги спортга оид энг яхши 15 та суратни эълон қилди.

2 март, Сан-Паулу. Либертадорес Кубогида «Коринтианс» учун қайғураётган мухлислар.

3 март, Лондон. Муҳаммад Алига бағишланган «Мен энг буюкман» деб номланган кўргазма. Афсонавий боксчининг 1963 йилда Генри Куперга қарши жангда йиртилиб кетган қўлқопи. Суратда эса кўргазма ташкилотчиларидан бири Сара Фостер.

5 март, Рио-де-Жанейро. Аёллар регбиси: Венесуэла ҳамда Уругвай терма жамоалари ўртасидаги ўйин.

7 март, Фрайбург. Бундеслига–2: «Фрайбург» – «Лейпциг» жамоаларининг қор остидаги ўйини.

13 март, Глазго. Мухлислар Шотландия лига кубоги финалига йўл олмоқда.

13 март, Лондон. Англия Кубоги, 1/4 финал: «Арсенал» – «Уотфорд» (1:2) ўйини. 88-дақиқада гол муаллифи бўлган Денни Уэлбек иккинчи голни киритиш имкониятини қўлдан чиқарди ва «тўпчилар» Англия Кубогини тарк этди.

15 март, Барселона. Каталон клуби футболчилари ва уларнинг машғулотига кириб олган болакай.

16 март. Челтенхэм. От эгардан йиқилиб тушган чавандозга афсус билан қарамоқда.

17 март, Манчестер. «МЮ» ва «Ливерпуль» (1:1) ўртасидаги Европа Лигаси 1/8 финал жавоб ўйини. Ушбу ўйиндан сўнг қайси жамоа кейинги босқичга чиққанини билиш учун Де Хеанинг юзига эътибор бериш кифоя.

19 март, Мельбурн. «Формула–1» мавсумининг очилиши.

24 март, Кардифф. Уэльс (Адам Мэттьюз, пастда) ҳамда Шимолий Ирландия (Жейми Уорд, юқорида) терма жамоалари ўртасидаги ўртоқлик ўйини.

26 март, Берлин. Германия ҳамда Англия терма жамоалари (2:3) ўртасидаги ўртоқлик ўйини олдидан хавфсизлик чоралари кўрилмоқда.

28 март, Филадельфия. Миллий Хоккей Лигасининг «Филадельфия» ҳамда «Виннипег» жамоалари ўртасидаги ўйинда хоккейчиларнинг жанги.

29 март, Лондон. «Уэмбли» стадиони бутун дунё билан биргаликда Йохан Кройффни ёдга олмоқда.

29 март, Лондон. Англия ва Голландия терма жамоалари (1:2) ўртасидаги ўртоқлик ўйини.