ZTE корпорацияси Ўзбекистонда 10 йилдан ортиқ вақт мобайнида фаолият юритиб келмоқда. Компания иштирокида бир неча қўшма корхона ташкил этилган ва турли соҳаларда кўплаб қўшма лойиҳалар амалга оширилди.
Бугунги кунда ZTE ширкати турли йўналишлар, шу жумладан, электрон таълим соҳасида самарали ечимлар таклиф қилмоқда. Хусусан, ZTE намунали лойиҳа сифатида ноёб тизим — Smart Classroom — «интеллектуал синф» дастурини ишлаб чиқиб, Тошкент давлат иқтисодиёт университетига тақдим этди.
Ушбу тизим бир ёқлама билим беришдан шахсга йўналтирилган изланувчан таълим дастурларига ўтиш имконини беради, бу ўз навбатида талабани яхши ўқишга ундайди ва ўқишнинг янада қизиқарли, самарали бўлишини таъминлайди. Шунингдек, ушбу масофавий таълим тизими ўқитувчиларга интеллектуал аудиториядан чиқмай туриб талабаларни ўқитиш, хорижий университетлар ва профессорлар билан алоқа қилиш имконини беради.
Ҳар бир дарс серверга ёзилади ва талаба ҳамда ўқитувчиларга исталган қурилма орқали лекцияларни кўриб чиқиш имконини беради. Мультимедия тизими ноёб дастурий таъминот, электрон дисплей, электрон доска ва планшетлардан фойдаланган ҳолда талабанинг билим олишини кузатиш ва улардан ҳар бирини алоҳида, ҳам бутун синфни синовдан ўтказиш имконини беради.
Бу эса ўз навбатида талабанинг билим даражасини дарс пайтида ва ундан кейин баҳолашга хизмат қилади. Шунингдек, тизим ёрдамида электрон кутубхона ташкил этиш, талабаларнинг масофадан туриб китоблардан фойдаланишини таъминлаш мумкин, бу эса дарсликларни тақсимлаш ишларини анча тезлаштиради.
ZTE корпорацияси (Zhongxing Telecommunication Equipment) 1985 йили Хитойнинг Шэньчжэнь (Shenzhen) шаҳрида ташкил этилган. Ҳозирда компания телекоммуникациялар, саноат, энергетика, туризм, транспорт, таълим ва бошқа кўплаб соҳаларда энг замонавий технологияларни таклиф этмоқда.
ZTE корпорациясининг 20 та R&D маркази (илмий-тадқиқот марказлари) Хитой, АҚШ, Франция, Швеция ва Жанубий Кореяда фаолият олиб бормоқда. Fortune 500 рўйхатига киритилган етакчи халқаро операторлар ва компаниялар ширкат технологиялари ва ечимларидан фойдаланади. ZTE иқтисодиётнинг турли тармоқлари учун 50 дан ортиқ ечимлар таклиф этмоқда. Бундай ташқари, компания истеъмолчилар учун маҳсулотлар — телефонлардан тортиб смартфонларгача ишлаб чиқаради.
Компания томонидан тўпланган тажриба ва кўрсатиб ўтилган соҳаларда юритаётган оқилона сиёсати ZTE’нинг бутун дунёдаги мижозларига ўз олдига қўйган бизнес мақсадларига эришиш ва ўз соҳаси етакчиларига айланиш имконини беради.
Реклама ҳуқуқи асосида
Изоҳ (0)