Мадриднинг «Реал» клуби бош мураббийи Зинедин Зидан «Вольфсбург»га қарши (3:0) Европа Чемпионлар Лигаси 1/4 финал жавоб ўйинидан сўнг эришилган ғалаба борасида ўз фикрлари билан ўртоқлашди, деб хабар беради «Чемпионат».
«Футболда доим ўзингни қурбон қилишинг керак ва бундай пайтларда ғалаба қозонган маъқул. Ҳозир футболчилар амалга оширган ишдан хурсанд бўлиш вақти келди. Дастлабки ўйиндаги мағлубиятдан сўнг осон бўлмади, аммо биз ғалаба қозона олдик. Мен ҳамма ўйинчиларим, ҳатто майдонга тушмаганлари билан ҳам фахрланаман», – деди франциялик мутахассис.
«Ўзгаришларни кеч амалга оширишимнинг сабаби, бундай ўйинларда ўйинчи алмаштириш қийин. Бензема чарчаб қолгани учун ҳимояга ёрдам бериш мақсадида Хесени майдонга туширдим. Кейин эса Модрич ўрнига Варан тушди. У Касемирога марказни мустаҳкам ушлаш учун ёрдам берди.
Роналду – ўзгача футболчи. ‘Реал’ ажойиб ўйин ўтказди, у эса муҳим ўйинчи бўлди. Криштиану жамоага керак бўлган вақтда учта гол киритди», – деб фикрига якун ясади Зидан.
Изоҳ (0)