Қирғизистон парламенти Сооронбай Жээнбеков номзодини мамлакат бош вазирлигига тасдиқлади. Парламентдаги 115 нафар депутатнинг барчаси уни ёқлаб овоз берди, дея хабар беради «РБК».
Шунингдек, депутатлар Жээнбеков томонидан тақдим этилган ҳукуматнинг янги тузилмаси ва дастурини ҳам маъқуллади. Knews агентлигининг таъкидлашича, янги дастур ҳукуматнинг аввалги таркиби томонидан 2015 йил ноябрида тайёрланган дастурдан катта фарқ қилмайди ва мамлакатни 2013—2017 йилларда барқарор ривожлантириш миллий стратегиясига асосланган.
Эслатиб ўтамиз, олдинроқ Қирғизистон бош вазири Темир Сариев Балиқчи—Корумду автойўли қурилиши тендери атрофидаги можаро сабабли истеъфога чиққани ҳақида хабар берилганди.
Изоҳ (0)