Бахтли чипта соҳиби бўлган номаълум киши Британиянинг Lotto лотереяси тарихидаги энг йирик жекпотни ютиб олди. Ютуқ ҳажми 35 миллион фунтдан (49,5 миллион доллар атрофида) ошади. Бу ҳақда Independent нашри маълумотига таяниб, «РИА Новости» хабар беради.
«Бугунги ўйинда чипта соҳибларидан бири ҳайратланарли даражадаги 35,1 миллион фунтга тенг жекпотни ютиб олди. Бу ўйин тарихида қўлга киритилган энг катта ютуқдир ва у ҳақиқатан ҳам ҳаётни ўзгартиришга қодир», — деди Британия «Миллий лотереяси» вакили.
Таъкидлаш жоизки, январь ойида бундан ҳам каттароқ сумма 66 миллион фунт (93 миллион доллардан ортиқ) ўйналган эди. Бироқ ўшанда ютуқ суммасини икки иштирокчи бўлиб олган эди. Шунинг учун охирги ютуқ якка ҳолда ютиб олинган рекорд даражадаги жекпотдир.