Chevrolet автомобилларини мукаммалаштиришга ихтисослашган АҚШнинг Callaway тюнинг компанияси Corvette суперкари асосидаги shooting brake кузовига эга универсални серияли чиқаришга ҳозирлик кўрмоқда. Бу ҳақда Motor хабар бермоқда.
Компания илк бор бундай автомобилга қўл уриш режалари ҳақида 2013 йилда маълум қилганди, бироқ янги кўринишдаги биринчи машиналар 2016 йил охиридагина буюртмачига етиб боради.
Универсал Corvette лойиҳаси AeroWagon деган ном олди. Компания оддий купени ҳам, Z06 модификациясини ҳам ўзгартиришга тайёр. Янги панель кузовнинг олдинги қисмидаги томнинг олинадиган қисмига тегмаган ҳолда тўлиғича углепластикдан тайёрланади. Агар универсал автомобиль эгасининг жонига тегса, ҳеч қандай қийинчиликсиз машинани яна купега айлантириши мумкин, чунки янги деталь юкхона қисми ушлагичига ўрнатилади.
Суперкарни ўзгартириш нархи 15 минг долларга боради. Яна 1,5 минг доллар детални кузов рангига мослаштиришга кетади. Янги панелни ўрнатиш ишлари бир неча соат вақт олади.
Изоҳ (0)