Facebook’даги «Водители Ташкента» гуруҳида эълон қилинган Тошкентнинг Қоратош кўчасида қарама-қарши қатнов қисмини ажратиб турувчи сидирға чизиқ устидан бетон бордюр ётқизаётган махсус техника сурати қизғин муҳокамаларга сабаб бўлди.
«Бу мўъжиза-машина ва ниҳоят бизгача етиб келди», — деб ёзади суратни гуруҳга жойлаштирган фойдаланувчи. Фойдаланувчиларнинг ёзишича, суратдаги Power Curber машинаси баландлиги 10 сантиметрдан 1,5 метргача бўлган бордюрларни ётқиза олади.
Фойдаланувчилар давлат корхоналаридан бирида шундай махсус техникадан иккитаси борлигини ёзган. Муҳокамалар жараёнида эълон қилинган суратларнинг бирида D’Avino томонидан ишлаб чиқарилган ва «Betoner.uz» компаниясига тегишли бетонётқизгични кўриш мумкин.
«СервисКранТехника» компанияси маълумотларига кўра, бундай бетётқизгич техникалар нафақат бордюр ётқизади, моделига қараб (масалан, TC-2700 модели) 8 метргача бетон йўл ҳам ётқиза олади.
Изоҳ (0)