iPhone SE/5se тақдимоти 21 мартда бўлиб ўтади, аммо ҳозирданоқ у ҳақда анчагина маълумотлар аниқ бўлган, деб ёзади «Hi-tech.mail.ru». Чунончи, инсайдерлар таъкидлашича, 4 дюймли гаджет 4К-видеони тасвирга олишга қодир камерага эга бўлади.
Улар iPhone SE/5se расмий тақдимотида Apple компанияси вакиллари 4К-сифатда янги смартфоннинг асосий камераси ёрдамида суратга олинган промо-видеони намойиш этишини таъкидламоқда. У iPhone 6s’даги каби 12 мегапикселли бўлади.
Бир томондан янги камера iPhone SE/5se’да фото ва видео сифати жиддий равишда ошишини таъминлайди, аммо иккинчи томондан, қурилма нархи аввал тахмин қилинганидан анча ошиб кетишига сабабчи бўлиши мумкин.
Эслатиб ўтамиз, аввалроқ iPhone SE’га 8 мегапикселли камера ўрнатилиши ҳақида хабар тарқалган эди. Бундан ташқари, янги смартфон ташқи кўриниши жиҳатидан iPhone 5S’га ўхшаш бўлиши, бироқ хусусиятлари янада яхшиланиши тахмин қилинмоқда. Қурилмага A9 процессори, шунингдек, Touch ID бармоқ изи датчиги ўрнатилади. Унинг диагонали iPhone 6 ва iPhone 6S моделлариникидан кичикроқ бўлади.
Изоҳ (0)