Наврўз ўзбек халқи учун ҳақиқатан ҳам миллий, доимо сабрсизлик билан кутилган, энг севимли байрам бўлиб, у Шарқ тақвими бўйича янги йил бошланишидан далолат беради.
Ucell компанияси Ўзбекистон маданияти ва анъаналарига ҳурмат кўрсатади, оператор энг севимли баҳор байрамларидан бирини унутилмас тарзда нишонлашни таклиф қилди ва Сумалак сайли 2016’ни ўтказди. Сумалак карвони ўз йўлини Фарғонада бошлаб, сўнг Ургут (Самарқанд)га қараб отланди, Ҳисор тизмаларидан ўтиб, Бойсун (Сурхондарё)га кириб ўтди ва навбатма-навбат Жиззах, Навоий, Наманган, Қарши, Андижонга ташриф буюрди ҳамда ўз йўлини Бухорода якунлади. Худди қадимги замонлардагидек, об-ҳаво саёҳатчиларни қўрқитмади, ва ҳар бир шаҳарда, ёмғир, шамол ва, ҳатто, қорга ҳам қарамай, аҳоли уларни қўлини кўксига қўйган ҳолда, самимий байрам уюштириб кутиб олди.
Ҳар бир шаҳарда Сумалак карвони икки кун меҳмон бўлди. Дастлаб, гузар аҳолиси билан биргаликда иккита улкан дошқозонда сумалак халқ қўшиқлари, миллий рақслар, дизайн танловлари ва келин салом маросимлари остида қайнатилди. Моҳир ошпазлар сумалакни кавлаб, меҳмонлар эса ўз тилакларини айтиб турган вақтда Ucell томонидан тайёрланган паловдан татиб кўриш мумкин бўлди. Қуёш чиқиши билан, меҳмонлар сумалак очилишини ҳаяжон билан кута бошлади ва рамзий тасвирларни кўриб, хурсанд бўлди: Фарғонада қақнус, Ургутда балиқ, Бойсунда эса қуёшни кўришди.
Ucell компаниясининг Корпоратив коммуникациялар бўйича директори Родика Вербенюк Бойсундаги байрамда қатнашиб, ўз таассуротлари билан бўлишди: «Бизнинг компаниямиз мамлакат маданий меросини қўллаб-қувватлайди, уни кейинги авлод учун асраб-авайлайди. ‘Наврўз’ форс тилидан таржима қилинганида ‘янги кун’ деган маънони билдиради ва у ер юзидаги энг қадимий байрамлардан бири ҳисобланади. Ucell Сумалак ўтказилган ҳар бир ҳудуд аҳолиси миллий одатларга ҳаяжон билан муносабатда бўлиб, уни ўз болаларига ўтказиши менга қалбимнинг туб-тубигача таъсир қилди. Бизнинг Сумалак байрамимиз Ўзбекистондаги ҳар бир оилага умид ва тинчлик-хотиржамлик ҳадя этсин!»
Ўтган йилгидан фарқли равишда, жорий лойиҳа ўз кўнгилочар дастурларини кенгайтириб, концерт томошалари, компания совринлари ўйналадиган қизиқарли танловлар, шунингдек, спорт мусобақаларини киритди, буларнинг барчаси ўзбекистонликлар учун миллий фахр предмети ҳисобланади. Ucell стендлари ёнида сумалак тарқатилиши ҳар бир шаҳарда ўз услубига эга бўлди ва у ўз хилма-хиллиги билан аҳолининг хотирасида узоқ вақтга қолади. Фарғонадаги Ucell Сумалак меҳмонларни сўз жанги — аския билан ўзига жалб этди. Бойсун ўз кўлами билан ёдда қолди. 5000 га яқин одам туман ҳокимлиги байрамига йиғилди ва ноёб ўтовлардан иборат кўргазма, фольклор ансамбллар ва истеъдодли гимнастикачилар чиқишларига гувоҳ бўлди. Кураш мамлакатнинг турли ҳудудларидан келган полвонларни тўплади, унда энг кучлилар ғолиб чиқди. Икки кунлик тантаналар анъанавий от мусобақаси — кўпкари билан якунланди. Ҳудуднинг жасур, довюрак, мард йигитлари компания ва ҳокимликнинг бош совринларини қўлга киритиш учун от миниб, ўлжани қўлга киритишга уринди.
Ўйинда ғолиб чиққан 70 ёшли Нурулло Иброҳимов шундай дейди: «Менинг ғалабамдан нафақат ўзим, балки рафиқам ва келинларим ҳам хурсанд! Уларга кир ювиш машинаси олиб беролмаётган эдим, энди Ucell шарофати билан уйимизда аёллар ҳаёти осонлашади!»
Лойиҳа доирасида Ucell оши ва сумалагини 80 га яқин ошпазлар, ўз ишининг усталари пиширди. Мамлакатнинг 15 мингдан зиёд аҳолиси баҳор неъмати бўлмиш сумалак таъмини татиб кўрди. Ucell’нинг 500 дан ортиқ эсдалик ва қимматбаҳо совғалари ўйналиб, улар ўз эгаларини топди.
Телекоммуникация инфратузилмасини ривожлантириш, замонавий ва арзон хизматлар тақдим этиш билан бир қаторда, Ucell компанияси, шунингдек, доимий равишда мамлакат ташаббусини қўллаб-қувватлашга интилади ва спорт, таълим, соғлиқни сақлаш, маданият каби соҳаларни қўллаб-қувватлаш бўйича ўзининг бир йиллик ташаббуслар дастурини ишлаб чиқди.
Жиззах шаҳридаги фуқаролар йиғини раиси Хосият Ҳайитова шундай дейди: «Наврўзни биз бутун оиламиз, маҳалламиз билан кутамиз. Ушбу байрам — бирлашиш тимсоли. Бу қувончли байрамда компания бизга оиламиз аъзоси каби келиб қўшилди. Шундай экан, Ucell биз учун шунчаки оператор эмас. Компания ўз юрагига эга, у ҳар бир лойиҳада ўз аксини топади. Яна бир бора миннатдорлик билдирамиз ва келаси йилда ҳам сизларни кутамиз!»
Реклама ҳуқуқи асосида
Изоҳ (0)