Ўсмир унга фавқулодда харажатлар учун берилган кредит картадан Xbox приставкасида FIFA ўйини ичидаги харидларни амалга оширишда фойдаланди, дея хабар бермоқда «Hi-tech.mail.ru». Ота-онаси ҳисобдан бир неча минг доллар ечиб олинганини кўрганида, йигит картадан фақат бир марта фойдаланганини, пул сарфлашда давом этаётганидан эса бехабар бўлганини айтди.
Ҳодиса Канаданинг Онтарио провинциясидаги Пембрук шаҳрида содир бўлди. Кредит карта ҳисобидан ўйин ичидаги харидлар учун 8860 доллар ечиб олинган.
Xbox пулни қайтариб бермади ва ота-онанинг тўлов ҳисобидан фойдаланиб амалга оширилган харидлар Microsoft’нинг фойдаланувчилар билан тузадиган келишувига кўра, қонуний транзакциялар ҳисобланишини таъкидлади.
Эслатиб ўтамиз, аввалроқ Англиянинг Суссекс графлигида етти ёшли бола Jurassic World ўйинини ўйнаш учун отасининг iPad’ини олиб, ўйин ичидаги харидларга 4000 фунт стерлинг (тахминан 6000 доллар) сарф қилгани, бироқ Apple компанияси вакиллари маблағни қайтариб бергани хабар қилинган эди.
Изоҳ (0)