Ўзбекистондаги стартаплар учун бепул хостинг

Microsoft BizSpark дастури доирасида сизда 27 минг долларгача бўлган маблағни Microsoft Azure булутли хостинги кўринишида бепул қўлга киритиш имконияти мавжуд.

Агар стартапингиз аллақачон ишга туширилган ва сизга хостинг зарур бўлса — ариза беринг, биз ўз бепул булутли хостингини қўлга киритган бир нечта маҳаллий лойиҳаларни биламиз.

Ҳа, хостинг унчалик қиммат турмайди, бироқ нима бўлганда ҳам бу ёш тадбиркор учун кўмакдир.

Бор-йўғи иккита оддий қадамни амалга оширишингиз керак бўлади:

1. Ўз лойиҳангиз бўйича ариза тўлдиринг
2. Қисқача маълумот бериб ўтинг

Аризалар қуйидаги манзил бўйича қабул қилинади: http://special.habrahabr.ru/hello_startup/bizspark/

Қўшимча равишда маҳсулотлар дизайни, ишлаб чиқилиши ва синовдан ўтказилиши бўйича бепул лицензияли дастурни ҳамда эксперт кўмаги ва менторлик маслаҳатларини қўлга киритишингиз мумкин.

Иштирок этиш шартлари:

• Лойиҳангиз ўзингизники бўлиши керак (мижоз учун буюртма бўйича ишлаб чиқилмаган бўлиши керак);
• Компания хусусий бўлиши керак (компания юридик шахс сифатида рўйхатдан ўтган бўлиши шарт эмас, сиз хусусий шахс сифатида қатнашишингиз мумкин);
• Лойиҳангиз ташкил этилганига 5 йилдан ошмаган бўлиши керак.

Лойиҳа «Дарё» ва StartupFactory.uz томонидан ишга туширилган.