«Юлдузлар жанги» киносагасининг 7-эпизоди чипталар сотувидан 100 миллион доллардан ортиқ маблағ тўплади, деб хабар беради Variety. Аксарият мухлислар чипталарни премьера ва биринчи дам олиш кунлари намойиши учун харид қилди.
Экспертлар ушбу фантастик фильм АҚШда 200 миллион доллардан ортиқ маблағ билан старт олишини башорат қилмоқда. Таъкидлаш жоизки, фильмни ишлаб чиқариш учун ҳам айнан шунча маблағ сарфланган.
Disney студияси вакиллари ҳали кўплаб кинотеатрларда бўш ўринлар борлигини маълум қилиб, фильм ишқибозларини уларни банд қилиб қўйишга ундамоқда. Кинозаллар соҳиблари ҳам талабга жавоб бериш учун «Юлдузлар жанги» намойишлар жадвалига қўшимча сеансларни киритмоқда.
«Юлдузлар жанги» фильмининг ёпиқ намойиши 14 декабрь куни Лос-Анжелесда бўлиб ўтди. АҚШда кинокартина кенг прокатга 18 декабрдан, Россияда эса бир кун олдин, яъни 17 декабрь куни чиқади.
Изоҳ (0)