European Film Awards Европа киноакадемияси мукофоти лауреатлари эълон қилинди, деб хабар беради «Газета.ru».
Унда «Энг яхши режиссёр» номинацияси бўйича италиялик Паоло Соррентино ва швед Рой Андерссон ғолиб бўлди. Паоло Соррентинонинг «Ёшлик» картинаси энг яхши фильм деб топилди.
Британиялик қўшиқчи Эми Уайнхаус ҳаёти ҳақида фильм яратган ижодкорлар энг яхши ҳужжатли фильм мукофотини қўлга киритди.
Ҳакамлар ҳайъати, шунингдек, энг яхши сценарийчи деб «Лобстер» фильмининг сценарийчиси Йоргос Лантимос, «Европа янгилиги» номинацияси бўйича «Мустанг» ва энг яхши мультфильм деб «Денгиз қўшиғи» мультфильмини топди.
«Европанинг энг яхши актёри» ва «Европанинг энг яхши актрисаси» номинациялари бўйича мукофотни Майкл Кейн ва Шарлотта Ремплинг қўлга киритди.
Изоҳ (0)