Шойгу: Россия ядровий қурилмаларининг 95 фоизи жанговар ҳолатга шай

Россия Федерацияси мудофаа вазири Сергей Шойгу Россия ядро стратегик кучлари қурилмаларининг 95 фоиздан ортиғи жанговар ҳолатга шай эканлигини маълум қилди. Бу ҳақда «Вести.ru» хабар беради.

«Стратегик ядро кучлари ядровий тўхтатиб туриш масалаларини кафолатли ҳал этиш имконини берадиган даражада сақланмоқда. Стратегик мақсадли ракета кучларини ишга туширувчи қурилмаларнинг 95 фоиздан ортиғи жанговар қўллаш учун доимий шай ҳолатдадир», — деди Мудофаа вазирлиги раҳбари.

Сергей Шойгу, шунингдек, Россия қуролли кучлари шахсий таркибининг 90 фоизга тўлдирилганлиги, шартнома асосида хизмат қилаётган ҳарбий хизматчиларнинг улуши бир йил ичида ўн фоизга ошганлигини таъкидлаб ўтди.