Таъсисчиларидан бири Алишер Усмонов бўлган Alibaba Хитойнинг энг йирик компанияси номини бой берди

Таъсисчиларидан бири Алишер Усмонов бўлган Alibaba Group Хитой бозоридаги акциялар нархининг тушиши муносабати билан 140 миллиард доллар капиталини йўқотди, деб хабар беради «Kommersant.ru».

Ушбу кўрсаткич бўйича у Хитойнинг энг йирик компанияси номини Tencent Holdings компаниясига бой берди.

«Alibaba’нинг иккинчи чоракдаги ҳисоботи катта таассурот қолдирмади. Tencent компаниясининг молиявий кўрсаткичлари эса мобил қурилмалардаги рекламалардан келаётган даромад ҳисобидан истиқболлидир», — дейди China Merchants Securities Holdings таҳлилчиси Жефф Хао.

Эслатиб ўтамиз, америкалик сармоядор ва миллиардер Жорж Сорос Alibaba интернет-ритейлерининг ўзига тегишли акцияларидан катта қисмини сотган эди.