Тошкентдаги йўл-транспорт ҳодисасида икки қиз ҳалок бўлди

20 август куни кечқурун Тошкентдаги собиқ «Она ва бола» тиббий маркази яқинида йўл-транспорт ҳодисаси рўй бериб, икки ёш қизнинг умрига зомин бўлди, дея хабар бермоқда «Газета.uz».

Фожиа тахминан 20:50 да содир бўлди. Буюк Ипак йўли ва Шўртепа кўчалари оралиғидаги митти туманда яшовчи Елена, Мадина ва Юлия дўкондан уйга қайтаётган бўлган. Йўлни ажратувчи чизиқда турган Алёна (Еленани дўст ва яқинлари шундай деб чақирган) ва Мадинани рейс автобусини қувиб ўтишга уринган Isuzu автобуси уриб кетган, у компаниялардан бирига тегишли бўлган.

Ўткинчи машиналардан бирида бўлган шифокор қизларни касалхонага эвакуация қилишни ташкиллаштирган. Бироқ Мадина воқеа жойида ҳалок бўлган бўлса, Алёна ТТЗдаги Республика жарроҳлик илмий марказида шифокорлар қўлида жон берган.

Воқеага гувоҳ бўлган учинчи қиз — Юлия ҳамон шок ҳолатида, шифокорлар унга стресс оқибатларини бартараф этишда ёрдам бермоқда. Ҳодиса гувоҳлари сўзларига кўра, у машиналар оқимида юзага келган бўшлиқдан фойдаланиб, йўлни кесиб ўтишга шошган дугоналарига қўшилмай, йўл четида қолган эди.

Хабарда таъкидланишича, бу ерда пиёдалар ўтиш жойи йўқ, бироқ аҳоли гавжум тўрт полосали йўлни тез-тез кесиб ўтишга мажбур бўлади. Ҳайдовчилар кўпинча йўл белгиларини эътиборсиз қолдиради ва тезликни пасайтирмайди.