Ўзбекистон U-19 аёллар терма жамоаси Осиё Чемпионатидаги иштирокини якунлади

Вячеслав Солохо бошчилигидаги 19 ёшгача бўлган Ўзбекистон аёллар терма жамоаси Хитойнинг Нанкин шаҳрида ўтказилаётган Осиё чемпионати 3-тур ўйинида Австралияга қарши майдонга тушди. Бу ҳақда Ўзбекистон футбол федерацияси матбуот хизмати хабар бермоқда.

Мусобақанинг гуруҳ босқичи сўнгги турида Ўзбекистон U-19 аёллар терма жамоаси Австралияга 0:2 ҳисобида мағлуб бўлди. Шу тариқа Ўзбекистон U-19 ёшлари мусобақадаги иштирокини гуруҳ босқичида якунлади.

Эслатиб ўтамиз, 18 август куни Ўзбекистон U-19 аёллар терма жамоаси биринчи турда мусобақа мезбонлари — Хитой терма жамоасига қарши майдонга тушиб, 0:9 ҳисобида имкониятни бой берган эди. Иккинчи турда Япония терма жамоасига қарши учрашувда ҳам Ўзбекистон ёшлари 0:6 ҳисобида мағлуб бўлган эди.