O‘zbekiston U-19 ayollar terma jamoasi Osiyo Chempionatidagi ishtirokini yakunladi

Vyacheslav Soloxo boshchiligidagi 19 yoshgacha bo‘lgan O‘zbekiston ayollar terma jamoasi Xitoyning Nankin shahrida o‘tkazilayotgan Osiyo chempionati 3-tur o‘yinida Avstraliyaga qarshi maydonga tushdi. Bu haqda O‘zbekiston futbol federatsiyasi matbuot xizmati xabar bermoqda.

Musobaqaning guruh bosqichi so‘nggi turida O‘zbekiston U-19 ayollar terma jamoasi Avstraliyaga 0:2 hisobida mag‘lub bo‘ldi. Shu tariqa O‘zbekiston U-19 yoshlari musobaqadagi ishtirokini guruh bosqichida yakunladi.

Eslatib o‘tamiz, 18-avgust kuni O‘zbekiston U-19 ayollar terma jamoasi birinchi turda musobaqa mezbonlari — Xitoy terma jamoasiga qarshi maydonga tushib, 0:9 hisobida imkoniyatni boy bergan edi. Ikkinchi turda Yaponiya terma jamoasiga qarshi uchrashuvda ham O‘zbekiston yoshlari 0:6 hisobida mag‘lub bo‘lgan edi.