Associated Press нашри British Movietone билан ҳамкорликда YouTube’га бир миллион дақиқалик тарихий видеопарчаларни жойлади, дея хабар бермоқда The Guardian.
Тўплам 1895 йилдан бугунгача тасвирга олинган 550 мингта алоҳида роликлардан иборат. Таъкидланишича, бу бутун омма учун очиқ видеохостингга яхлит тарзда юкланган энг катта архивдир.
Тез орада роликлар ичида энг оммабоп кадрлар аниқланди. Булар 1906 йилда Сан-Францискода рўй берган зилзила оқибатлари, 1941 йилда Пёрл-Харборнинг бомбардимон қилиниши, Муссолинининг 1931 йилги мурожаати ҳамда 2008 йил Ироқдаги конференцияда Жорж Бушнинг ўзига отилган пойабзалга чап бериб қолиши акс этган видеолар бўлди.
Изоҳ (0)