Жанубий Корея Сеулда КХДРдаги инсон ҳуқуқлари бўйича БМТ офиси очишдан воз кечмайди

Корея Республикаси Шимолий Корея томонидан бўлаётган норозиликларга қарамай, Сеулда КХДРдаги инсон ҳуқуқлари бўйича БМТ офиси очишдан воз кечмоқчи эмас, деб ёзади ТАСС Жанубий Корея бирлашув вазири Лим Бён Чхолга таяниб.

«Шимолий Корея ҳукумати БМТнинг ушбу ваколатхонаси очилишини танқид қилмаслиги керак, аксинча ўз мамлакатидаги инсон ҳуқуқлари билан боғлиқ соҳадаги вазиятни яхшилаш учун у ва халқаро жамоатчилик билан бирга ишлаши керак», — деди у.

БМТ офиси Сеулда 23 июнь куни очилади. Бу Пхеньянда кучли норозиликка учради, у мамлакатда бу соҳада бўлаётган оммавий қоидабузрликлар ҳақидаги хабарларни рад этмоқда. Мамлакат раҳбарияти фикрича, бу айбловлар АҚШ томонидан уюштирилган бўлиб, у шу тариқа КХДРдаги мавжуд режимни ағдармоқчи.

Эслатиб ўтамиз, аввалроқ КХДР терма жамоаси Сеулда БМТнинг КХДРдаги инсон ҳуқуқлари бўйича идораси очилишига норозилик тариқасида Кванжу (Жанубий Корея)даги Универсиадада қатнашишдан бош тортгани хабар берилган эди.