Жанубий Қозоғистон вилоятининг Чимкент шаҳрида янги масжиднинг қурилиш ишлари якунланди. 3000 кишини сиғдира оладиган ушбу масжид Шайх Муҳаммад Содиқ Муҳаммад Юсуф номлари билан аталди, деб хабар бермоқда «Muslimaat.uz».
Бу Шайх ҳазратларининг мухлислари учун ниҳоятда қувончли хабар бўлди. Ушбу маскан Шайх Муҳаммад Содиқ Муҳаммад Юсуф номлари билан аталган Ўрта Осиёдаги илк масжиддир. Эслатиб ўтамиз, бундан аввал олимнинг номидаги масжид дунё бўйича илк бор Жанубий Кореяда очилган эди.
Чимкентдаги масжид очилиши арафасида эҳсон маросими ўтказилди. Масжид Жанубий Қозоғистон муфтияти ва тадбиркор Раҳимжон Йўлдошев томонидан барпо қилинган. Бугунги эҳсонга бутун шаҳардан, мадрасалардан меҳмонлар ташриф буюришди. Унинг қурилиши ва безак ишларида миллий архитектура анъаналарига риоя қилинган бўлиб, масжиднинг ички томонига оч феруза ва зумрад рангларда жило берилган.
Маълумот учун, масжиднинг расмий очилиш маросими 26 май кунига мўлжалланган.
Изоҳ (0)