Тошкент шаҳрида 15 майдан бошлаб иссиқ ва совуқ сув, шунингдек марказий иситиш тизими учун янги тарифлар кучга киради. Бу ҳақда «Тошиссиққуввати» ва «Сувсоз» компанияларига таяниб «Газета.uz» хабар берди.
Пойтахтда марказий иситиш учун бир ойлик тариф нархи турар жойнинг бир квадрат метри учун ҳозирги 844,67 сўмдан 941,14 сўмгача ошади. Шунингдек, корхона ва ташкилотлар учун ҳам иссиқлик энергиясининҳ улгуржи тарифи ошади.
Иссиқ сув учун янги тариф ҳисоблагич бўлмаган тақдирда киши бошига 11777,69 сўмни (ҳозир 10570,54 сўм), ҳисоблагич билан эса бир кубометр учун 3015,87 сўмни (ҳозир 2706,76 сўм) ташкил этади. Совуқ сув учун янги тарифлар ҳам яқин кунларда маълум бўлади.
Коммунал хизматлар учун тарифлар сўнгги марта ўтган йилнинг октябрь ойида ошган эди. Қайд этилишича, кўп йиллардан буён коммунал хизматлар нархлари ҳар йили 1 апрель ва 1 октябрдан оширилган.
Изоҳ (0)