Байкал кўлида ҳалок бўлган Украинанинг собиқ президенти Виктор Януковичнинг ўғли меҳмонхонадан музлаган кўлга шунчаки селфига тушиш учун боргани маълум бўлди, деб хабар бермоқда «Segodnya.ua».
Машина муз остига чўка бошлаганда беш нафар йўловчи ундан чиқиб олишга улгурган. Кичик Януковичда эса хавфсизлик камари тақилган ва унинг эшиги ёпиқ бўлган. Машина сув остига кириб кетгач, у эшикни очишга муваффақ бўлган, бироқ автомобиль чап томонга қайрилиб қолган. Унинг дўстлари фавқулодда вазиятлар хизматини ёрдамга чақирган.
Януковичнинг танаси муз остидан топилган – у машинадан чиқишга улгурган. Ўлим сабаби чуқурликдан кўтарилиш вақтида нафас қисилиши ёки музлаб қолишдан қайси бири эканлиги ҳақида маълумот йўқ.