Жанубий Кореянинг LG компанияси энг сўнгги версиядаги Android 5.0 Lollipop операцион тизимида ишловчи тўртта қурилмани тақдим этди, дея хабар бермоқда «Mail.ru».
Қурилмалар экранлари, аккумуляторлари сиғими ва камералари билан фарқ қилади. LG Magna 5 дюймли ва 1280×720 пикселли экран, 8 мегапикселли асосий ва 5 мегапикселли олд камера, 2540 мА/с аккумулятор сиғимига эга. Ўлчамлари 139,7×69,9×10,2 мм га тенг.
LG Spirit 4,7 дюймли экран, 8 мегапикселли асосий ва 5 мегапикселли олд камера, 2100 мА/с аккумулятор сиғимига эга. Ўлчамлари 133,3×66,1×9,9 мм га тенг.
LG Leon 4,5 дюймли ва 854×480 пикселли экран, 8 мегапикселли асосий ва 5 мегапикселли олд камера, 1900 мА/с аккумулятор сиғимига эга. Қалинлиги 10,9 мм га тенг.
LG Joy 4 дюймли ва 800×480 пикселли экран, 5 мегапикселли асосий ва 0,3 мегапикселли олд камера, 1900 мА/с аккумулятор сиғимига эга. Ўлчамлари 122,7×64×11,9 мм га тенг.
Изоҳ (0)