Носозликлар бўйича миллий маълумотлар базаси (NVD) ахборотига кўра, 2014 йилда дастурий таъминотларнинг кунига 19 та носозликлари қайд этилган, деб ёзади «Mail.ru». NVD хатоликларнинг тўлиқ рўйхатини тузиб, дунёдаги энг ишончсиз тизимларни эълон қилди.
2014 йилда NVD маълумотлар базасига 7038 та янги носозликлар қўшилган. Уларнинг 80 фоизига четдан олинган дастурлар манба бўлиб хизмат қилган. Операцион тизимлар ва қурилмаларнинг ички дастурлари ҳиссасига носозликларнинг тегишли равишда 13 ва 4 фоизи тўғри келди.
Заифликларга эга операцион тизимлар рейтингида Mac OS X, iOS ҳамда Linux етакчилик қилган бўлса, ички дастурлар орасида Microsoft Internet Explorer, Google Chrome ва Mozilla Firefox юқори учликни эгаллади.
Изоҳ (0)