Бугун,

  • USD 11095.31
  • RUB 173.84
  • EUR 10772.44

Ўзбекистон Республикаси Президентлигига номзодларнинг сайловчилар билан учрашувлари давом этмоқда. Ўзбекистон «Миллий тикланиш» демократик партиясидан Ўзбекистон Республикаси Президентлигига номзод Акмал Саидов 16 февраль куни Қашқадарё вилояти сайловчилари билан учрашди. Бу ҳақда ЎзА хабар бермоқда.

Қашқадарё вилояти. Фото: ЎзА

Қашқадарё вилояти. Фото: ЎзА

Учрашувни Ўзбекистон Республикаси Президенти сайловини ўтказувчи 13-Қашқадарё округ сайлов комиссиясининг раиси I.Жўраев очди. Президентликка номзоднинг ишончли вакили, вилоят телерадиокомпанияси раиси У.Нусуров йиғилганларни номзоднинг таржимаи ҳоли билан таништирди.

Ўзбекистон Республикаси Президентлигига номзод Акмал Саидов ўз сайловолди дастури юзасидан нутқ сўзлади.

Номзоднинг дастурида ўзбек халқининг тарихий, маданий ва интеллектуал мероси, маданияти ва анъаналарини асраб-авайлаш ва бойитиш, унинг ютуқларини навқирон ва баркамол авлод орасида кенг тарғиб қилиш, мамлакатда ҳуқуқий таълим тизимини янада такомиллаштириш, миллий манфаатларимизни қатъий ҳимоя қилиш, Ўзбекистоннинг халқаро нуфузини янада мустаҳкамлашни таъминлаш муҳим вазифалар қаторида қайд этилган.

Учрашувда Қарши давлат университетининг профессори Н.Шодмонов ва бошқалар номзоднинг дастури ҳақида ўзларининг фикр-мулоҳазаларини билдирди. Сайловчиларни 2015 йил 29 март куни бўлиб ўтадиган Ўзбекистон Республикаси Президенти сайловида фаол иштирок этишга чақирди.

Изоҳ
Асосий янгиликлар
Маҳаллий
Ўзбекистонда Уруғчилик ҳамда пистачилик илмий марказлари ташкил этилади
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Шоу-бизнес
Йиллар давомида таниб бўлмас даражада ўзгарган Голливуд актёрлари (фото)