Жаҳон ҳаво флотининг ҳолати тўғрисидаги Flightglobal Insight's World Air Forces 2015 ҳисоботида айтилишича, Қрим ва Донбассдаги воқеалар туфайли Украина ҳарбий самолётларининг деярли ярмидан айрилди. Бу ҳақда «Корреспондент.net» хабар бермоқда.
2014 йил бошида Украина ҳарбий флотига 400 та самолёт тегишли бўлган, ҳозирга келиб эса улар 222 та қолган. 2014 йилда дунё бўйича ишдан чиққан самолётларнинг учдан бир қисми Украина армиясига тегишли бўлган.
Украинанинг камида 22 та самолёт ва вертолёти мамлакат шарқидаги жангларда ишдан чиққан. 21 та самолёт ер-ҳаво туридаги ракета зарбаси оқибатида ҳалокатга учраган. Ҳисоботга кўра, Украинага тегишли битта МиГ-29 самолёти Россиянинг МиГ-29 самолёти ёрдамида уриб туширилган. Украина самолётларининг бир қисмидан Қримда айрилган, бироқ Россия улардан бир нечтасини қайтариб бергани қайд этилган.
Изоҳ (0)