Россия президенти Владимир Путин Чеченистон раҳбари Рамзан Қодировнинг 4 декабрь куни Грознийда уюштирилган терактларга алоқадор кишиларнинг қариндошларининг уйлари бузилиши ҳақидаги сўзларига изоҳ бериб ўтди, деб хабар бермоқда ТАСС.
«Барча амалдаги қонунларга риоя қилиши лозим, бошқача ёндашув бўлиши мумкин эмас. Аксилтеррор бўлинмаларнинг ҳаракатини тушунаман, чунки кўпинча жангариларнинг қариндошлари уларнинг фаолиятидан бохабар бўлади. Лекин бу ҳеч кимга, жумладан Чеченистон раҳбарига ҳам қонун доирасидан ташқарига чиқиш ҳуқуқини бермайди»,− деди Путин.
Шунингдек, у Рамзан Қодиров ҳиссиёт аралаш гапирганини тушунишини, теракт натижасида бир неча киши ҳалок бўлгани ва жароҳат олганидан кейинги норозиликларни эшитгач бундай деганини, бироқ бу уни оқламаслигини маълум қилган.
Изоҳ (0)