Samsung Galaxy S5 смартфонлари учун Android’нинг Lollipop версияси фойдаланишга топширила бошланди

Жорий йилнинг 15 октябрида Android операцион тизимининг сўнгги версияси — Lollipop расман эълон қилинган эди. Ҳозирда эса ушбу версия Samsung Galaxy S5 смартфонлари учун фойдаланишга топширила бошланди. Бу ҳақда Phonearena.com сайти хабар берди, деб ёзади «Пароль» нашри.

Android’нинг сўнгги версиясини Galaxy S5 смартфонларига фойдаланиш учун топшириш Польшадан бошланган ва ҳозирда Жанубий Кореяда давом этмоқда. Агар бир неча йиллик анъана давом эца, 3-4 ҳафтадан кейин бошқа давлатлардаги Galaxy S5 фойдаланувчилари учун ҳам Android 5.0 Lollipop опрацион тизими тақдим этилади.

Samsung Galaxy S5 смартфонлари учун тақдим этилган Lollipop версиясида Google’нинг Material Design концепцияси ва компаниянинг TouchWiz UX интерфейси бирлаштирилган. Янги Android версиясидаги ўнта ажойиб функцияни эса «Пароль» нашрининг ушбу мақоласида ўқисангиз бўлади.

Шунингдек, «Пароль» нашрида қуйидаги мақолаларни ҳам ўқишингиз мумкин:

• HTC One (M8) ва One (M7) смартфонлари учун Android’нинг Lollipop версияси фойдаланишга топширила бошланди;
• 2015 йилнинг биринчи ярмида тақдим этилиши кутилаётган энг яхши смартфонлар еттилиги билан танишинг!