Олий таълимни Тошкентдаги Инҳа университетида давом эттиришни истаган бошқа олий ўқув юртлари талабалари учун 2014 йил 29 ноябрь куни соат 11:00 да очиқ эшиклар куни ўтказилади. Бу ҳақда университет вакиллари «Дарё»га хабар берди.
Тадбир иштирокчиларига ўқишни кўчириш жараёни, шунингдек фақатгина Кореядаги Инҳа университети масъул мутахассислари томонидан ўтказиладиган математика, физика ва инглиз тили бўйича имтиҳонлар қоидалари батафсил тушунтирилади.
Имтиҳонлардан муваффақиятли ўтиб, Тошкентдаги Инҳа университети талабаларига айланадиган бошқа ОТМлар талабалари учун биринчи курснинг биринчи семестри фанларининг ўрнини қоплаш бўйича махсус дастур, жумладан дастурлаш бўйича махсус дарслар ташкил қилинади.
Имтиҳонда қатнашиш учун 2014 йил 14 декабргача ҳужжатларни топшириш зарур. Шунингдек, бу ҳақда университетнинг расмий сайтида ҳам батафсил маълумот берилган.
Изоҳ (0)