Samsung компанияси Galaxy Note 4 смартфони ҳақида янги реклама-ролигини тақдим этди. Унда смартфоннинг Quad HD дисплейи, S Pen гаджети, яхшиланган камераси ва бошқа функциялари ҳақида таъриф берилади. Видео сўнгида, «Note 4 янада яхшиланган катта дисплейли энг яхши смартфон» — дейилади.
Phonearena.com сайти эса одамлар Samsung’нинг юқоридаги фикрига қўшилиш ёки қўшилмаслиги борасида сўровнома ўтказди. Бу ҳақда «Пароль» нашри хабар берди.
Сўровномада жами 4235 нафар киши иштирок этди ва уларнинг кўпчилиги — 3432 нафари Galaxy Note 4 ростдан ҳам катта дисплейли энг яхши смартфон эканлигини тасдиқлади. Овоз берувчиларнинг 803 нафари эса Samsung компаниясининг фикрига қўшилмаган.
Эслатиб ўтамиз, Samsung Galaxy Note 4 смартфонида 5,7 дюйм 2560×1440 пикселли Quad HD дисплей, 3 Гб тезкор ва MicroSD ёрдамида кенгайтириш мумкин бўлган 32 Гб ички хотира, 3220 мА·соат қувватга эга батарея ўрнатилган.
Изоҳ (0)