27 сентябрь, шанба куни тонгда Япония пойтахти Токиодан 200 километр ва йирик марказий шаҳар Нагоядан 100 километр шимоли-шарқда жойлашган Онтакэ вулқони отила бошлади. Кўп вақт отмай, кул ва ер қатлами бўлаклари ёғилиши эҳтимоли борлиги эълон қилинди. Бу ҳақда «РИА Новости» хабар бермоқда.
Япония бош метеорология агентлиги хавф даражасининг беш балли шкаласи бўйича учинчи даражани қайд этди. Бу вулқон этагига яқинлашиш ва тоққа кўтарилишни тақиқлашни кўзда тутади.
Маълум қилинишича, тутун вулқон оғзидан бир неча километргача баландликка кўтарилган. Бироқ ҳозирча мазкур минтақада вулқон ҳаракатга келгани учун парвозлар тақиқлангани ҳақида хабар берилмади.
Ижтимоий тармоқ фойдаланувчилари эса воқеа содир бўлган жойдан олинган кўплаб сурат ва видеоларни интернетга жойламоқда.
Маълумот учун, Япониянинг Нагано префектурасидаги мазкур вулқон сўнгги бор 2007 йилда отилган.
Изоҳ (0)