БМТ Хавфсизлик кенгашида Қримнинг Херсонская вилояти билан чегарасидаги Россия Федерациясига қарашли ҳарбий техника миқдори ҳисоблаб чиқилди. Бу ҳақда Korrespondent.net хабар бермоқда.
Украина Миллий хавфсизлик ва мудофаа кенгаши ахборот-таҳлил маркази спикери Андрей Лисенконинг маълум қилишича, Россия Қримнинг Украина билан чегарасига 64 та танк, бронетехника ва бараварига ўқ отадиган «Град» реактив тизимларини тўплаган.
«Тезкор маълумотларга кўра, вақтинча эгаллаб олинган Қрим ҳудудида Россия Қуролли кучларининг ҳужумкор гуруҳи кучайтирилмоқда. Сўнгги бир неча ҳафта давомида Херсонская вилояти билан чегарада РФ ҳарбий кучлари камида 64 та танк, юзга яқин бронетранспортёр ва пиёдалар ҳарбий машиналари, бир неча ўнлаб ‘Град’, ‘Ураган’ реактив тизимлари ҳамда ‘Бук’ зенитли ракета мажмуалари, ҳаво ва ердагиларни йўқ қилишда аниқ нишонга олувчи воситалар ва самолётларни тўплаган», — деди Лисенко.
Шу билан биргаликда, спикернинг айтишича, Черноморск аҳоли пункти яқинида дала шифохонаси ташкиллаштирилган.
Бундан ташқари, Украина Миллий хавфсизлик ва мудофаа кенгаши вакилининг сўзларига кўра, Қора денгизда РФ Қора денгиз флотига қарашли еттита катта десант кемаси ва Болтиқ флотининг битта катта десант кемаси мавжуд.
5 сентябрь куни БМТ Хавфсизлик кенгашида ҳарбий техниканинг Қримдан Украинанинг шарқий чегарасига йўл олаётгани акс этган видеолавҳа эълон қилинди.