Apple компанияси 2014 йилнинг иккинчи чорагида сотган қурилмалари сонини эълон қилди. Бу ҳақда TechCrunch сайти хабар берди.
Apple жорий йилнинг иккинчи чорагида 35,2 миллион дона iPhone, 13,27 миллион дона iPad, 4,41 миллион дона Mac компьютерлари ва 2,96 миллион дона iPod сотган.
Ўтган йилнинг шу пайтида эса 31,24 миллионта iPhone, 14,62 миллионта iPad, 3,75 миллионта Mac компьютерлари ва 4,57 миллионта iPod сотилган эди.
Бундан кўриниб турибдики, 2014 йилнинг иккинчи чорагида iPhone ва Mac компьютерлари ўтган йилнинг шу пайтига нисбатан кўпроқ сотилган.
Apple компаниясининг иккинчи чоракдаги даромади 12 фоизга ўсган. Ўтган чоракда бу кўрсаткич 7 фоизни кўрсатган эди.