Galaxy S5 mini — Samsung'нинг янги мини-флагмани Galaxy S5 билан бир хил дизайнга эга бўлиб, унинг кичрайтирилган кўриниши сифатида тақдим этилди, деб хабар берди Mail.ru. Июль бошида сотувга чиқиши кутилаётган Galaxy S5 mini Россияда 19 990 рубль (590 АҚШ доллари)га сотила бошлайди.
Samsung Galaxy S5 mini 4,5 дюймли 1280×720 пикселли Super AMOLED дисплей, тўрт ядроли Exynos 3 Quad (Exynos 3470) процессори, 1,5 Гб тезкор, 64 Гбгача кенгайтириш имконига эга 16 Гб ички хотира, 2,1 мегапикселли олд ва 8 мегапикселли асосий камера ҳамда 2100 мА·соат сиғимидаги аккумулятор билан жиҳозланган.
Дисплей Gorilla Glass 3 ойнаси билан ҳимоя қилинган бўлиб, қурилмага Android 4.4 KitKat операцион тизими ўрнатилган.
Изоҳ (0)