12 июндан Бразилияда бошланадиган футбол бўйича жаҳон чемпионати баҳсларини 25 та ҳакамлар гуруҳи бошқариб боради. Шунингдек, яна етти нафар ҳакам захира ҳаками сифатида танлаб олинган, деб хабар берди Stadion.uz.
Германиянинг Az-online.de сайти WM-Pfiffs («Ҳуштак») блоги Мундиалга таклиф этилган тажрибали ҳакамларга тўхталиб, ЖЧ—2014 финал ўйинини бошқаришга бош номзод Равшан Эрматов эканини таъкидлаб ўтди.
Кўпчилик футбол экспертлари ўзбекистонлик Равшан Эрматовга алоҳида эътибор қаратмоқда. Мазкур FIFA арбитри ЖАР—2010 да барчадан кўп — бешта ўйин (жумладан, очилиш ва ярим финал баҳси)ни бошқарган эди.
Аввалроқ, Равшан Эрматов Бразилиядаги ЖЧ—2014 да жаҳон рекордини ўрнатиши мумкинлиги ҳақида хабар берилган эди.
Изоҳ (0)